Biodiversidade, xenética e evolución
Esta liña de investigación aborda o estudo da diversidade biolóxica desde unha perspectiva xenética e evolutiva, explorando os mecanismos que xeran e manteñen a variabilidade dos seres vivos. A través de ferramentas moleculares, ecolóxicas e computacionais, analízanse os procesos de adaptación, especiación e conservación das especies, así como a súa resposta aos cambios ambientais e antropóxenos. O obxectivo é comprender a orixe e dinámica da vida na Terra, aplicando este coñecemento á xestión sostible dos ecosistemas e á preservación do patrimonio natural.
Investigadores: Miguel Arenas Busto, Armando Caballero Rúa, Carlos Alberto Canchaya Sánchez, Antonio Carvajal Rodríguez, Alejandro de Carlos Villamarín, José Bienvenido Díez Ferrer, Juan Galindo Dasilva, Carlos García de Leániz Caprile, Raúl Iglesias Blanco, Maria Jesús Iglesias Briones, María Paloma Morán Martínez, Juan José Pasantes Ludeña, Ángel Eduardo Pérez Diz, David Posada González, Pablo Presa Martínez, Humberto Carlos Quesada Rodríguez, Emilio Rolán Álvarez, Carmen Sieiro Vázquez
Resposta inmune, biomarcadores, biotoxinas e patoloxía molecular
Esta liña de investigación céntrase no estudo dos procesos moleculares e celulares que xeran a resposta inmunitaria e a regulan, así como na identificación de biomarcadores para o diagnóstico precoz e o seguimento de doenzas, incluído o cancro. Tamén aborda o impacto das biotoxinas na saúde humana e animal, e a caracterización de procesos patolóxicos a nivel molecular. O obxectivo é, por unha banda, comprender os procesos fisiolóxicos envoltos neses casos e, pola outra, desenvolver estratexias eficaces e eficientes para a prevención, diagnóstico e tratamento de enfermidades, integrando coñecementos de Inmunoloxía, Toxicoloxía e Bioloxía Molecular.
Investigadores: Carlos Alberto Canchaya Sánchez, Antonio Carvajal Rodríguez, Rafael Durán Barbosa, Jose Manuel Faro Rivas, Lilian Rosana Ferreira Faro, Emilio Gil Martín, María África González Fernández, Raúl Iglesias Blanco, María Jesús Iglesias Briones, Susana Magadán Mompó, Ángel Eduardo Pérez Diz, Rosana Simón Vázquez, Diana Valverde Pérez